Day 6 (Part 2) 17 Dec 2010 FRI 晴

不知為何，兩次來到淡水都是黃昏。今次明明諗住早啲嚟到，可以周圍逛吓，點知．．．早知唔去嘆朱古力啦，咁難飲。

既然天色已晚，去唔到啲景點，就跟住人潮周圍蕩吓。誤打誤撞搵到呢檔鹹水雞，雞脾一次買3隻比較便宜，只需NT105，單買要NT40。再加1條小黃瓜及兩串雞胗，合共NT160。

越行越凍，買了件蔥油餅加蛋，NT35，可惜味道普通，但身體有感覺暖了點。

拿著鹹水雞，逛了兩三條街，不知不覺又逛回淡水站，乘捷運回台北車站去。

又在車站對面的KMall逛了逛，分別在Daiso及Muji買了點東西，便打道回府了，要返酒店check-in喇。

今晚換了住Double Room，房間面積大啲，除日式客房之外，還是第一次遇到瞓地台的客房呢。

擺好行李、相機袋，開餐喇。嘩，台灣啲蔥好平呀，咁多既。雞脾肉有點韌，但雞皮好脆，從未試過食雞皮食到「索索」聲既，厲害！唯一可惜的是味道不夠，加上蔥太多了，變成只吃到蔥味。論味道，是師大夜市的雞房重地較優。另外，小黃瓜嫩口多汁，超正，可惜只買了一條。雞胗則有點少硬，不過不失。